مصداق "نجعلهم وارثین" بیا!

فرستنده قنبر- یارب هاچان  ظهوره  او  پرده نشین  گلر.
مصداق    لفظ    نَجْعَلَهُمْ    وارِثینْ     گلر
تکبیر صوتی عرشه  چیخار سمت کعبه دن
گوش  جهانه  نغمه ی  هَلْ مِنْ مُعینْ    گلر
ظالم  الیندن   حربۀ   ظلمین   سالار  یئره
زلزاله    ماسوا   مثلی   اهل    کین  گلر
گردنکش اولموش اهل ستم یابن العسگری
مظلوملر  سسی   ایاق  آلتدا   حزین   گلر
تبعیض و فقر  ایچینده  آلشمش  اورکلره
ذکر  ایلینده  آدووی  هر  دم  سرین   گلر
هر  انجمنده   کی   اولارام   غفلتاً   ندیم
هر سوز قالار غرض آریا  بحث  دین  گلر
ازبس   مبلّغین  مسلمان   یالان   دئیوب
قرآن  پیامی   باوره  هاردان   متین   گلر
خلّاق نسلی  جامعه نین  دین گریز اولوب
نفس عملده  جاهل  و  عالم  قرین  گلر
گورسه  حقیقتی  بو  جوانان  دین  ستیز
گر چکسه لر  قباقینه  دیوار  چین   گلر
تولید    فکر   اولسادا   راه   خطاده  دی
اندیشه  صاحبی  هارا گئتسه غمین  گلر
الدن   وئروبدی  خلق   طبیعی  حقوقینی
نان و طعامی  سفریه  درد و انین   گلر
هی آبرو  حراج  اولونور تا  قارین  دولا
امر معاش  خلقه  ئولومدن  چتین   گلر
زاهد  هله  بهشته  وئرور  نسیه  قولیلر
تحلیل اولونسا  درده  دل  نکته بین  گلر